ინფორმაცია მურა დათვზე
მურა დათვი - მტაცებელი, ძუძუმწოვარი, დათვისებრთა ოჯახის წარმომადგენელია. მისი სხეულის სიგრძე 2,5 მ-დე, ხოლო წონა 480 კგ-მდე აღწევს. მისი სიცოცხლის ხანგძლივობა 45 წელია. გავრცელებულია ევროპაში, აზიაში, ჩრდილოეთ ამერიკაში, სადაც „გრიზლის" სახელითაა ცნობილი. ბინადრობს უმთავრესად მთიანი ტყის მასივებში.
დათვი მტაცებლების რიცხვს ეკუთვნის, მაგრამ, სხვა მტაცებლებისაგან განსხვავებით, ყველაზე ნაკლებად ჭამს ხორცს და ძირითადად, მცენარეებით იკვებება. დათვების უმეტესობა აქტიურია დღისით და თითქმის მთელს დღეს საკვების ძებნას უთმობენ.
დათვი, ჩვეულებრივ, მძიმედ მოძრაობს. იგი გადაადგილდება ოთხივე კიდურით, თუმცა საფრთხის შემთხვევაში ჩქარი სირბილიც შეუძლია. ამ დროს მისი სიჩქარე 50-60 კმ/სთ-ს აღწევს. დათვები კარგი მცოცავები არიან, მათ ხშირად ნახავთ ხეზე ასულს და იქ დაძინებულს. ასევე, ყველა დათვი კარგი მცურავია.
შემოდგომაზე ბუნაგში წვება და ზამთრის ძილს ეძლევა. სძინავს 75-195 დღე. ბუნაგი ხშირად გამოქვაბულებში, მღვიმეებში, კლდის ქვეშ ან დიდი ხეების ძირში აქვთ. დათვს ზამთრის თბილ ამინდში თავისუფლად შეუძლია ბუნაგიდან გამოსვლა და საკვების საძებნელად წასვლა. შემდეგ იგი ისევ უბრუნდება ბუნაგს და ძილს აგრძელებს.
მურა დათვი სქესობრივ სიმწიფეს აღწევს 3 წლის ასაკში. მაკეობა 7 თვემდე გრძელდება, 2 წელიწადში ერთხელ შობს 2-3 თვალაუხელელ ბელებს, ახალშობილები მხოლოდ 200-700 გრამს იწონიან. დათვები, როგორც წესი, მარტო ბინადრობენ, თუმცა საკვების მოპოვების დროს ხშირად იკრიბებიან. ბელები ორი-სამი წლის განმავლობაში დედასთან რჩებიან. ამ პერიოდში მდედრი დათვი კიდევ მაკეობს. ამგვარად, მამრი დათვებიც ცხოვრების რაღაც ნაწილს ნაშიერებთან ატარებენ.
მნიშვნელოვანი: მურა დათვი შეტანილია საქართველოს „წითელ ნუსხაში" — მასზე ნადირობა და მისი დატყვევება კანონმდებლობით აკრძალულია.
ზოოლოგიური ცენტრის შესახებ
საქართველოში ხშირია უკონტროლო ნადირობა-ბრაკონიერობა, რის გამოც კლავენ დათვებს და მათ ნაშიერებს ატყვევებენ. მურა დათვი გადაშენების საფრთხის წინაშე მყოფი სახეობაა, ამიტომ შეტანილია საქართველოს „წითელ ნუსხაში" — მასზე ნადირობა და მისი დატყვევება საქართველოს კანონმდებლობით აკრძალულია.
საქართველოს სხვადასხვა რეგიონებში უკანონო ტყვეობაში მყოფი მურა დათვები წლების განმავლობაში იტანჯებოდნენ ძალიან მცირე ზომის ვოლიერებში გამომწყვდეულები. დათვების უმრავლესობა გასართობად ჰყავდათ დატყვევებული, ბენზინგასამართ სადგურებზე, რესტორნებში, სასტუმროებში, მონასტრებში, ცირკში და კერძო სახლებში. ეს დათვები მცირე ასაკიდან ჰყავდათ დატყვევებულები, რის გამოც მათ ცხოველური ინსტიქტები დაკარგული ჰქონდათ. ტყვეობაში გაზრდილი ზრდასრული დათვების რეაბილიტაცია და მათი ველურ ბუნებაში დაბრუნება თითქმის შეუძლებელია.
დათვების დახოცვა და მათი ბელების დატყვევება მსოფლიოს მრავალ ქვეყანაში ხდება. ბრაკონიერობამ ეს სახეობა გადაშენების საფრთხის წინაშე დააყენა და მას მთელ მსოფლიოში კანონმდებლობა იცავს, როგორც მცირე რიცხოვანს და უნიკალურ ცხოველს. ოცდაათამდე ქვეყანაში არსებობს დათვების თავშესაფარი, სადაც მძიმე ტყვეობიდან დახსნილ დათვებს ათავსებენ შესაფერის პირობებში, ზრუნავენ მათ რეაბილიტაციაზე და ბუნებაში აღდგენაზე.
საქართველოში უკანონო ტყვეობაში მყოფი გარეული ცხოველების პრობლემის მოსაგვარებლად 2010 წელს შეიქმნა არაკომერციული ორგანიზაცია „ზოოლოგიური ცენტრი". ცენტრი მოეწყო თბილისის ეროვნულ პარკში 2 ჰექტარ მიწის ფართობზე, სადაც მოთავსებულები არიან ის გარეული ცხოველები, რომლებიც წლების განმავლობაში საქართველოს სხვადასხვა ლოკაციებზე მძიმე პირობებში ჰყავდათ მოთავსებულები. ზოოლოგიურ ცენტრში სტანდარტებით გათვალისწინებულ ვოლიერებში ბინადრობენ დათვები, მგლები და მელიები.
„დისტანციური მეურვეობის პროგრამა"
2019 წლის 1 მაისიდან „ზოოლოგიურ ცენტრი"-ს მიერ ამოქმედდა „დისტანციური მეურვეობის პროგრამა". პროგრამა ითვალისწინებს ცენტრში ბინადარი ცხოველების დისტანციურ პატრონობას, რაც ნიშნავს იმას, რომ მსურველი პირი ხდება კონკრეტული ცხოველის ოფიციალური „დისტანციური პატრონი". მსურველს ეძლევა საშუალება შეარჩიოს მისთვის სასურველი ცხოველი ცენტრში და მეურვეობის პერიოდი. ამ შემთხვევაში ცხოველი აგრძელებს ბინადრობას ცენტრში, ხოლო პატრონი უზრუნველყოფს ყოველთვიურ შემოწირულობას (დისტანციური მეურვეობის გადასახადს) ორგანიზაციის მიერ დადგენილი ოდენობით.
პროგრამის ძირითადი მიზანია ცენტრში ბინადარი ცხოველების საარსებო პირობების უზრუნველყოფა, კონკრეტული პირის — „დისტანციური პატრონის" მიერ ცხოველის დახმარება. მთავარი მიზანი კი არის ცენტრში ბინადარი გადაშენების საფრთხის პირას მყოფი „წითელი ნუსხით" დაცული ცხოველებისადმი ჰუმანური დამოკიდებულება და მათი დახმარება.
ზოოლოგიურ ცენტრში მოთავსებული ცხოველების ყოველდღიური საკვები რაციონი შეადგენს: ერთი ზრდასრული დათვს ყოველდღიურად ესაჭიროება 5,6 კგ. საკვები, ხილ-ბოსტნეული და 1,2 კგ. ხორცი ან თევზი. მგელს ყოველდღიურად ესაჭიროება 3,4 კგ. ხორცი (ქათმის ან საქონლის), ხოლო მელიას 1 კილოგრამამდე ხორცი, ასევე ქათმისა ან საქონლის.
ზოოლოგიური ცენტრი მადლობას უხდის იმ ადამიანებს, რომლებიც უკვე გახდნენ, ან მომავალში გახდებიან ცენტრის ცხოველების „დისტანციური მეურვეები". შეარჩიეთ ცენტრში თქვენთვის სასურველი ცხოველი და გახდით „დისტანციური პატრონი".
ჩვენი ცხოველები
მურა დათვი — ბალუ ♂ მამრი · დაბ. 2010
ზოოლოგიურ ცენტრში მოხვედრის მიზეზი:
დათვი სახელად ბალუ 2010 წელს ქალაქ ბორჯომში ბრაკონიერებმა მოუკლეს დედა და ბელი წამოიყვანეს გასაყიდათ! ბელი იმდენად პატარა იყო, რომ მყიდველმა ვერ შეძლო მისი გამოზრდა და მოგვმართა ცენტრში. ჩვენ იმავე დღეს ჩავიბარეთ ბელი. რთული და ხანგრძლივი პერიოდი დაგვჭირდა მისი გადარჩენის და გამოზრდისთვის. ბელი დამოუკიდებლად ვერ ჭამდნენ და დაგვჭირდა რამდენიმე თვე საწოვარის გამოყენება. ამ პერიოდში კი დათის ბელი ძალიან დამოკიდებული გახდა ადამიანების მიმართ და მისი რეაბილიტაცია ვერ შევძელით, ამიტომ აგრძელებენ ცენტრში ცხოვრებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — თინა ♀ მდედრი · დაბ. 2009
ზოოლოგიურ ცენტრში მოხვედრის მიზეზი:
დათვი სახელად თინა 8 წლის განმავლობაში რუსთავში ერთერთ სახელმწიფო დაწესებულებაში მაღალჩინოსანს ჰყავდა უკანონოდ დატყვევებული 15კვ.მ ვოლიერში. როგორც დაწესებულების თანამშრომლებმა გვიამბეს, დათვი ერთი თვის ასაკში მიუყვანიათ და მას შემდეგ იმყოფებოდა მცირე ზომის რკინა-ბეტონის ვოლიერში. რადგან დათვი ზრდასრულ ასაკში იმყოფებოდა, მისი რეაბილიტაცია და ველურ ბუნებაში დაბრუნება შეუძლებელი იყო, ამიტომ 2017 წელს დათვის გადმოსაყვანად თავშესაფარში გამოინახა ადგილი და მოეწყო შესაფერისი პირობები, სადაც ის დღემდე აგრძელებს ცხოვრებას სხვა დათვებნთან ერთად.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — მერაბა ♂ მამრი · დაბ. 2014
ზოოლოგიურ ცენტრში მოხვედრის მიზეზი:
დათვი სახელად მერაბა 2 წლის მანძილზე ქალაქ ახალციხეში მდებარე რესტორანში ჰყავდათ დატყვევებული, რესტორნის სტუმრების გასართობათ და მათი მოზიდვის მიზნით. დათვი მძიმე პირობებში იყო მოთავსებული და ამავდროულად კანის დაავადება ჰქონდა, ამიტომ 2016 წელს გადავწყვიტეთ გადმოგვეყვანა „დათვების თავშესაფარში". დათვი საკმაოდ აგრესიული და შეშინებული იყო, როგორც რესტორნის თანამშრომლები ყვებოდნენ, ხშირად ნასვამი სტუმრები დათვს აწვალებდნენ. დათვი რთული და მძიმე ცხოვრების გამო ადამიანებს აღარ ენდობოდა. თავშესაფარში მაქსიმალურად შეუქმენით მშვიდი და თავისუფალი გარემო, ჩაუტარდა გამოკვლევები და სწორი მკურნალობის შედეგად გამოჯამრთელდა. ამ ეტაპზე სრულიად ჯამრთელი აგრძელებს თანაცხოვრებას სხვა დათვებთან ერთად.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ბუბუ ♂ მამრი · დაბ. 2015
ზოოლოგიურ ცენტრში მოხვედრის მიზეზი:
დათვი სახელად ბუბუ 2 წლის განმავლობაში გარდაბნის რაიონში მდებარე ქარხნის ეზოში ჰყავდათ ძალიან მძიმე პირობებში. მცირე ზომის რკინა-ბეტონის ვოლიერში და საშინე ანტისანიტარიაში მოთავსებული. ადგილობრივი მოსახლეობის ინფორმაციით, დათვი შიმშილის და წყურვილის გამო გამუდმებით ბღაოდა. 2017 წელს სასწრაფოდ გადავწყვიტეთ გადმოგვეყვანა დათვების თავშესაფარში. მიუხედავად მისი 2 წლიანი ტანჯვისა, დათვი ძალიან თვინიერი და კონტაქტური აღმოჩნდა, მალევე დაუმეგობრდა ცენტრში დამხვედრ დათვებს და აგრძელებს მათთან ერთად ცხოვრებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ვინი ♂ მამრი · დაბ. 2016
ზოოლოგიურ ცენტრში მოხვედრის მიზეზი:
დათვის ბელი სახელად ვინი, 2016 წელს 2 თვის ასაკში ბეთანიის მოსახლეობამ მოგვაბარა თავშესაფარში. გვიამბეს, რომ დათვის ბელი უპოვნიათ გზაზე, ტყის პირას უპატრონოდ მიტოვებული. ჩვენი ინფორმაციით, ბეთანიის ტყეში დათვი არ ბინადრობს და ფიზიკურად ბელი ტყიდან ვერ გამოვიდოდა. ჩვენი ვარაუდით ბელს დედა მოუკლეს და გასართობად წამოიყვანეს დროებით სახლში. დათვის ბელი 2 თვის ასაკში იმყოფებოდა და მისი გამოზრდა საწოვარით მოგვიწია, ბელის გამოზრდაში გვეხმარებოდა თავშესაფრის თანამშრომლის ძაღლი. დათვი დღემდე თავშესაფარში ცხოვრობს სხვა დათვებთან და მის გამზრდელ ძაღლთან ერთად.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — დავლიანე ♂ მამრი · დაბ. 2015
ზოოლოგიურ ცენტრში მოხვედრის მიზეზი:
დათვის ბელი დავლიანე 2015 წლის აპრილის თვეში მოგვაბარეს ზოოლოგიურ ცენტრში. ბელი 2 თვის ასაკში იმყოფებოდა, როგორც გვიამბეს, რაჭისა და ტყიბულის ტყის პირას უპოვნიათ. ბელი ტრამვირებული იყო, თავი ჰქონდა დაზიანებული. ცენტრში დათვის ბელს განსაკუთრებით ვპატრონობდით, ესაჭიროებოდა საათობრივი კვება საწოვარით და მკურნალობა დაზიანებული ადგილის. სამწუხაროთ მისი ველურ ბუნებაში გაშვება ვერ შევძელით სხვადასხვა მიზეზების გამო და ზოოლოგიურ ცენტრში აგრძელებს ცხოვრებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — დუჩე ♂ მამრი · დაბ. 2016
ზოოლოგიურ ცენტრში მოხვედრის მიზეზი:
დათვი დუჩინა, კახეთის რაიონში სოფელ წინანდალში ჰყავდათ მოსახლეობას ეზოში ჯაჭვით დაბმული, როგორც გვიამბეს, 3 კვირის ბელი ბრაკონიერებმა აჩუქეს. ბელი ძალიან შეშინებული და დასტრესილი იყო, რადგან ვერ ეგუებოდა დაბმას და შეუფერებელ პირობებს, ამიტომ საკვებს არ ჭამდა. რამდენიმე კვირიანი შიმშილის და სტრესის შემდეგ მოგვაბარეს თავშესაფარში. ბელი ძალიან გამხდარი იყო და ჰქონდა მწვავე კუჭნაწლავის ანთება. თავშესაფარში ბელი მოვათავშეთ მშვიდ ადგილას და სპეციალური საკვებით გამოვზარდეთ. დღეს ის თავშესაფარში თითქმის ყველა დათვზე ლამაზია და მშვიდად აგრძლელებს ცხოვრებას სხვა დათვებთან ერთად.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ბელა ♀ მდედრი · დაბ. 2016
ზოოლოგიურ ცენტრში მოხვედრის მიზეზი:
დათვი ბელა 1 თვის ასაკში უპოვნიათ სამტრედიის რაიონში ტყის პირას და გასართობად წამოუყვანიათ სახლში. 3 წლის განმავლობაში ჯაჭვით ყავდათ დაბმული, სახლის სარდაფში. როგორც გვიამბეს, დედა დათვი მოკლეს და ბელი ვერ გაიმეტეს მოსაკლავად. 3 წლიანი რთული ცხოვრების შემდეგ მოგვმართეს ცენტრში, რომ დათვი ჩაგვებარებინა. 2019 წელს დათვი გადმოვიყვანეთ ზოოლოგიურ ცენტრში, ძალიან გამხდარი და აგრესიული იყო — მიუხედავად იმისა, რომ 3 წელი დაბმული იმყოფებოდა, დათვი ვერ შეეგუა ასეთ მძიმე პირობებს. ცენტრში დიდმა სივრცემ და ბევრმა გასართობმა დათვი დაამშვიდა, დაუმეგობრდა დათვებს და ადვილად შეეგუა ახალ ცხოვრებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ლელა ♀ მდედრი · დაბ. 2009
ზოოლოგიურ ცენტრში მოხვედრის მიზეზი:
დათვი ლელა, მასაც, როგორც სხვა დათვებს, მძიმე და ხანგძლივი ცხოვრება ჰქონდა. დათვი ყაზბეგში მოსახლეობას ჰყავდა ეზოში დატყვევებული. მცირე ზომის ვოლიერში 9 წელი იმყოფებოდა, როგორც გვიამბეს, დათვს იყენებდნენ ტურისტების გასართობად და ამაში თანხას იღებდნენ. 2018 წელს დათვს გარდაეცვალა პატრონი, რომელმაც 9 წელი ტანჯვაში გაატარებინა. დათვი დარჩა სრულიად მარტო, მშიერი და საშინელ ანტისანიტარიაში. მოგვმართეს დათვის გადასარჩენად. რამდენიმე დღეში გადმოვიყვანეთ, მძიმე ცხოვრების გამო ძალიან აგრესიული და არაადეკვატური იყო. თავშესაფარში მშვიდმა გარემომ და სტაბილურმა კვების რაციონმა დათვი დაამშვიდა, შეეგუა ახალ საცხოვრებელ სივრცეს და დაუმეგობრდა დამხვედრ დათვებს.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ნამცო ♂ მამრი · დაბ. 2019
ზოოლოგიურ ცენტრში მოხვედრის მიზეზი:
დათვის ბელი ნამცო 2019 წლის აპრილის თვეში მოგვაბარეს დასთან ერთად, რომელსაც ქვია თხაჯი. ბელები 2 თვის ასაკში იმყოფებოდნენ, როგორც გვიამბეს, ტყის პირას უპოვნიათ. სამწუხაროთ მათი ველურ ბუნებაში გაშვება ვერ შევძელით სხვადასხვა მიზეზების გამო და ზოოლოგიურ ცენტრში აგრძელებენ ცხოვრებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — თხაჯი ♀ მდედრი · დაბ. 2019
ზოოლოგიურ ცენტრში მოხვედრის მიზეზი:
დათვის ბელი თხაჯი 2019 წლის აპრილის თვეში მოგვაბარეს ძმასთან ერთად, რომელსაც ქვია ნამცო. ბელები 2 თვის ასაკში იმყოფებოდნენ, როგორც გვიამბეს, ტყის პირას უპოვნიათ. სამწუხაროთ მათი ველურ ბუნებაში გაშვება ვერ შევძელით სხვადასხვა მიზეზების გამო და ზოოლოგიურ ცენტრში აგრძელებენ ცხოვრებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ჩარლი ♂ მამრი · დაბ. 2020
ზოოლოგიურ ცენტრში მოხვედრის მიზეზი:
დათვის ბელი ჩარლი 2020 წლის თებერვლის თვეში მოგვაბარეს ზოოლოგიურ ცენტრში. ბელი 1 თვის ასაკში იმყოფებოდა, როგორც გვიამბეს, ტყის პირას უპოვნიათ. სამწუხაროთ მისი ველურ ბუნებაში გაშვება ვერ შევძელით სხვადასხვა მიზეზების გამო და ზოოლოგიურ ცენტრში აგრძელებს ცხოვრებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ნათანი ♂ მამრი · დაბ. 2023
ზოოლოგიურ ცენტრში მოხვედრის მიზეზი:
დათვის ბელი ნათანი 2023 წლის აპრილის თვეში მოგვაბარეს ზოოლოგიურ ცენტრში. ბელი 2 თვის ასაკში იმყოფებოდა, როგორც გვიამბეს, რაჭაში ტყის პირას უპოვნიათ. ბელი ტრამვირებული იყო. ცენტრში დათვის ბელს განსაკუთრებით ვპატრონობდით, ესაჭიროებოდა საათობრივი კვება საწოვარით. სამწუხაროთ მისი ველურ ბუნებაში გაშვება ვერ შევძელით სხვადასხვა მიზეზების გამო და ზოოლოგიურ ცენტრში აგრძელებს ცხოვრებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ჯაზი ♂ მამრი · დაბ. 2020
ზოოლოგიურ ცენტრში მოხვედრის მიზეზი:
დათვი სახელად ჯაზი, ზუგდიდის რაიონში ჰყავდათ მოსახლეობას ეზოში მცირე ზომის ვოლიერში. როგორც გვიამბეს, 2 კვირის ბელი ბრაკონიერებმა აჩუქეს და მას შემდეგ 3 წელი ჰყავდათ ეზოში მოწყობილ ვოლიერში. დათვისთვის გამოვნახეთ ადგილი ზოოლოგიურ ცენტრში და მშვიდად აგრძლელებს ცხოვრებას სხვა დათვებთან ერთად.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — მიშიკო ♂ მამრი · დაბ. 2023
ზოოლოგიურ ცენტრში მოხვედრის მიზეზი:
დათვი სახელად მიშიკო, გურიის რაიონში მოსახლეობამ ტყის პირას იპოვა დაობლებული ან დაკარგული 2-3 თვის ასაკში. რამდენიმე დღე ჰყავდათ სახლში, შემდეგ გადმოგვცეს შენახვა-განთავსებისა და გამოზრდის მიზნით ზოოლოგიურ ცენტრში.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — გრეკო ♂ მამრი · დაბ. 2021
ზოოლოგიურ ცენტრში მოხვედრის მიზეზი:
დათვი სახელად გრეკო, 2021 წლის იანვრის თვეში დაიბადა ზოოლოგიურ ცენტრში, ძმასთან ერთად სახელად ოსკარი, რომლებიც გაუჩნდა ჩვენს ხანში შესულ დათვს ლელას. ზოოლოგიურ ცენტრში არ იყო დაგეგმილი დათვების გამრავლება, თუმცა მოხდა ერთხელა გამრავლება და მას შემდეგ გრეკო და ოსკარი აგრძელებენ ცხოვრებას დედასთან ერთად ზოოლოგიურ ცენტრში.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მურა დათვი — ოსკარი ♂ მამრი · დაბ. 2021
ზოოლოგიურ ცენტრში მოხვედრის მიზეზი:
დათვი სახელად ოსკარი, 2021 წლის იანვრის თვეში დაიბადა ზოოლოგიურ ცენტრში, ძმასთან ერთად სახელად გრეკო, რომლებიც გაუჩნდა ჩვენს ხანში შესულ დათვს ლელას. ზოოლოგიურ ცენტრში არ იყო დაგეგმილი დათვების გამრავლება, თუმცა მოხდა ერთხელა გამრავლება და მას შემდეგ გრეკო და ოსკარი აგრძელებენ ცხოვრებას დედასთან ერთად ზოოლოგიურ ცენტრში.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მგლები და მელიები
რუხი მგელი — კოვიდი ♂ მამრი · დაბ. 2016
ზოოლოგიურ ცენტრში მოხვედრის მიზეზი:
მგელი სახელად კოვიდი, 2017 წელს მოგვაბარეს ზოოლოგიურ ცენტრში შენახვა-განთავსების მიზნით. 2016 წელს ბრაკონიერობის გზით მგლის ლეკვი წამოუყვანიათ სახლში ბრაკონიერებს და ეზოში ჰყავდათ დაბმული ჯაჭვით. 2017 წლის გაზაფხულზე მოხდა ჩამორთმევა მგლის და მობარება ზოოლოგიურ ცენტრში.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
რუხი მგელი — ალფა ♀ მდედრი · დაბ. 2015
ზოოლოგიურ ცენტრში მოხვედრის მიზეზი:
მგელი სახელად ალფა, 2017 წელს მოგვაბარეს ზოოლოგიურ ცენტრში შენახვა-განთავსების მიზნით, თბილისის ზოოპარკმა. ძუ მგლის მობარების მთავარი მიზანი იყო ის, რომ ჩვენს ცენტრში გვყავდა რამდენიმე თვის წინ მიღებული ხვადი მგელი კოვიდი, რომელიც იყო მარტო. რადგან მგლები სოციალური ცხოველები არიან, ძუ მგელიც მივიღეთ და მას შემდეგ ცხოვრობენ ერთად.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
რუხი მგლები — სქაი და მაქსი ♀♂ · დაბ. 2020
ზოოლოგიურ ცენტრში მოხვედრის მიზეზი:
რუხი მგლები სახელად სქაი და მაქსი 2023 წელს მოგვაბარა გარემოს დაცვის სამინისტრომ შენახვა-განთავსების მიზნით. მგლები ჩამოართვეს მოსახლეობას, რომლებიც ჰყავდათ ადრეული ასაკიდან მცირე ზომის ვოლიერში მოთავსებულები.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
რუხი მგლები — ცენტრში დაბადებულები დაბ. 2024
ზოოლოგიურ ცენტრში მოხვედრის მიზეზი:
ზოოლოგიურ ცენტრში მობარებული მგლის კოვიდისა და ალფას შვილები, რომლებიც დაიბადნენ ცენტრში და გამოიზარდნენ ნახევრად ველურები. ცხოვრობენ ერთ ვოლიერში, ერთ ხროვად. ამ ეტაპზე ჩატარებული აქვს ყველა მგელს სტერილიზაცია-კასტრაციის ოპერაცია და ვეღარ შეძლებენ გამრავლებას.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მელა — როკი ♂ მამრი · დაბ. 2020
ზოოლოგიურ ცენტრში მოხვედრის მიზეზი:
ზოოლოგიურ ცენტრში მოგვაბარა გარემოს დაცვის სამინისტრომ შენახვა-განთავსების მიზნით 2022 წელს. მელია როკი ბრაკონიერობის შედეგად აღმოჩნდა ადამიანებთან ტყვეობაში, 2 წელი იცხოვრა შეუფერებელ პირობებში, თუმცა ახლა აგრძელებს ცხოვრებას ზოოლოგიურ ცენტრში სხვა მელიებთან ერთად.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
მელიები — ქეთო და კოტე ♀♂ · დაბ. 2024
ზოოლოგიურ ცენტრში მოხვედრის მიზეზი:
მელიები ქეთო და კოტე 2024 წლის გაზაფხულზე მოგვაბარეს უცხოელმა ტურისტებმა. გზის პირას უპოვნიათ, სავარაუდოთ დაკარგულები იყვნენ, ერთ უკანა კიდური ჰქონდა დაზიანებული ძაღლებისაგან. მელიების მობარების დღიდან აღმოუჩინეთ ვეტერინარული დახმარება და მალევე გამოჯამრთელდნენ, სტრესიც მოეხსნათ და მას შემდეგ ცხოვრებენ მხიარულად ზოოლოგიურ ცენტრში.
ჩაერთე ზოოლოგიური ცენტრის პროგრამაში და გახდი მისი „დისტანციური მეურვე"
